Տնային հանձնարարությունների ստուգում։ Երեխաները կներկայացնեն իրենց տնային հանձնարարությունները։ Աշակերտները կպատմեն Վարդգես Սուրենյանցի մասին, կվերհիշեն նկարչի կարևոր նկարները, ինչպես նաև կստուգվեն գրավոր հանձնարարությունները, որոնք պետք է նախապես տեղադրվեն google classroom հավելվածում (5 րոպե)։
Լսել։ Ուսուցիչը աշակերտներին կտեղեկացնի Գրիգոր Խանջյանի կյանքի հիմնական դրվագները. մանկությունը Երևանում, Փանոս Թերլեմեզյանի անվան ուսումնարանում սովորելու տարիներ, մտերմություն Արա Բեքարյանի և Էդուարդ Իսաբեկյանի հետ, վաստակավոր նկարչի կոչում։ Կցուցադրվեն «Հայոց այբուբեն», «Վարդանանք» և «Վերածնված Հայաստան» գորգանկարները (15 րոպե)։
Կարդալ։ Ոսուցիչը հակիրճ տեղեկություն կհաղորդի Վարդան Մամիկոնյանի և 451 թ. տեղի ունենած Ավարայրի ճակատամարտի մասին, աշակերտները կընթերցեն «Ավարայրի ճակատամարտ»-ից մի հատված, որը 5-րդ դարում գրել պատմիչ Եղիշեն։ Ապա աշակերտներն այն կհամեմատեն Գրիգոր Խանջյանի «Վարդանանք» գորգանկարի հետ http://armchurch.info/project2/վարդանանք-գոբելենը/, կառանձնացեն Վարդան Մամիկոնյանի պատկերը՝ ճերմակ նժույգի վրա, սուրը ձեռքին, շրջապատված զինյալ մարտիկների բազմությամբ, կփորձեն խանջյանական գույները փոխարինել բառերի, զգալ գույնի ու բառի հարազատությունը (25 րոպե)։
Պարսկական բանակը դեպի Հայաստան է շարժվում 451 թ. գարնանը: Ճակատամարտի նախօրեին սպարապետ Վարդան Մամիկոնյանն իր 66 հազարանոց բանակը բաժանում է երեք մասի և հրամանատարներ նշանակում փորձված զորավարների։ Կռվից առաջ Վարդան Մամիկոնյանը քաջալերում է հայոց զորքին՝ արիաբար մարտնչելու թշնամու դեմ: Նրանց նշանաբան էր՝ չգիտակցված մահը մահ է, գիտակցված մահը՝ անմահություն։
451թ. մայիսի 26-ի վաղ առավոտյան սկսվում է Ավարայրի ճակատամարտը: Հայոց այրուձին անցնում է Տղմուտ գետը և մխրճվում թշնամու մարտական շարքերի մեջ: Անհավասար կռվում հերոսաբար ընկնում են Վարդան Մամիկոնյանը, բազմաթիվ նշանավոր նախարարներ: Ճակատամարտի ականատես Եղիշե պատմիչը գրում է. «Ոչ թե մեկ կողմը հաղթեց, և մյուս կողմը պարտվեց, այլ քաջերը քաջերի դեմ դուրս գալով, երկու կողմն էլ պարտություն կրեցին»:
Քննարկում
- Ի՞նչ գունային ներկապնակ է օգտագործել Խանջյանը պատերազմական տեսարանը նկարելիս (10 րոպե)։
- Ո՞ր գույնն է գերիշխում Վարդան Մամիկոնյանի նկարում (10 րոպե)։
- Նայելով «Վարդանանք» նկարին՝ առաձնացրո՛ւ դետալները, բնութագրի՛ր (10 րոպե)։
Տնային հանձնարարություն
- Պատկերի՛ր Վարդան Մամիկոնյանին այնպիսին, ինչպիսին դու կցանկանաս տեսնել։
- Քո նկարը բնութագի՛ր 25-30 բառերի շրջանակում։